About Kawaiaha‘o Church — Favorite Hīmeni and Pule
|
Favorite Hīmeni & Pule
Hawai‘i Aloha
Words by Rev. Lorenzo Lyons, Music by James McGranahan
E Hawai‘i e ku‘u one hānau ē
Ku‘u home kulāiwi nei
‘Oli nō au i nā pono lani ou
E Hawai‘i, aloha ē
Hui:
E hau‘oli nā ‘ōpio o Hawai‘i nei
‘Oli ē! ‘Oli ē!
Mai nā aheahe makani e pā mai nei
Mau ke aloha, no Hawai‘i
E ha‘i mai kou mau kini lani ē
Kou mau kupa aloha, e Hawai‘i
Nā mea ‘ōlino kamaha‘o no luna mai
E Hawai‘i aloha ē
Nā ke Akua e mālama mai iā ‘oe
Kou mau kualono aloha nei
Kou mau kahawai ‘ōlinolino mau
Kou mau māla pua nani
O Hawai‘i, o sands of my birth
My native home
I rejoice in the blessings of heaven
O Hawai‘i, aloha
Chorus:
Happy youth of Hawai‘i
Rejoice! Rejoice!
Gentle breezes blow
Love always for Hawai‘i
May your divine throngs speak
Your loving people, o Hawai‘i
The holy light from above
O Hawai‘i aloha
God protects you
Your beloved ridges
Your ever glistening streams
Your beautiful gardens
|
Queen's Prayer
(Ke Aloha O Ka Haku) by Queen Lili‘uokalani
‘O Kou aloha nō
Aia i ka lani
A ‘o Kou ‘oia‘i‘o
He hemolele ho‘i
‘O Ko‘u noho mihi ‘ana
A pa‘ahao ‘ia
‘O ‘oe ku‘u lama
Kou nani ko‘u ko‘o
Mai nānā ‘ino‘ino
Nā hewa o kānaka
Akā e huikala
A ma‘ema‘e nō
No laila e ka Haku
Ma lalo o kou ‘ēheu
Kō mākou maluhia
A mau loa aku nō
‘Āmene
Your loving mercy
Is as high as Heaven
And your truth
So perfect
I live in sorrow
Imprisoned
You are my light
Your glory, my support
Behold not with malevolence
The sins of man
But forgive
And cleanse
And so, o Lord
Protect us beneath your wings
And let peace be our portion
Now and forever more
Amen
|
Nū ‘Oli
(Glad Tidings) - Robert Lowry (1826-1899)
Nū ‘oli! nū ‘oli!
He nū kamaha‘o!
He nū no ke ola mai luna mai nō
No kānaka nui, no kamali‘i nei
A ‘oi ka nani i ke gula a‘ia‘i
Hui:
Nū ‘oli! Nū ‘oli!
Nū kamaha‘o, kamaha‘o, kamaha‘o ē!
Nū ‘oli! nū ‘oli!
He nū no ke ola e hau‘oli ē!
Nū ‘oli! Nū ‘oli!
Ua pili ia nū
I ka po‘e ‘ilihune, ka po‘e lu‘ulu‘u
Ne‘e mai a paulele hahai iā Iesū
A pau nō ka hune a maha ‘oukou
Nū ‘oli! Nū ‘oli!
Hau‘oli ‘oukou
Ka po‘e akahai a ha‘aha‘a ka na‘au
Na Iesū e kala a ho‘ohānau hou
A ka‘i mai nei a‘e i ka nani ma ‘ō
Glad tidings! Glad tidings!
What wonderful news!
Such news of salvation from above
For great men and for little children, too
More glorious than brilliant and shining gold
Chorus:
Glad tidings! Glad tidings!
News so wonderful, astonishing, remarkable too
Glad tidings! Glad tidings!
Such news of salvation, 'tis happiness and joy!
Glad tidings! Glad tidings!
Clinging to the news
Are the poor and the sorrowful in burdensome straits
Push ahead in faith and follow Jesus
All you who are poor and burdened too
Glad tidings! Glad tidings!
Happy are you
Those who are meek and humble too
'Tis Jesus who frees us and gives us new life
And on to the glory by Him we are led
|
Ho‘onani i Ka Makua Mau
(Doxology) by Thomas Ken
Ho‘onani i ka Makua mau,
Ke Keiki me ka ‘Uhane nō,
Ke Akua mau ho‘omaika‘i pū
Ko kēia ao, ko kēlā ao.
‘Āmene.
Praise God, from whom all blessings flow;
Praise Him, all creatures here below;
Praise Him above, ye heavenly host;
Praise Father, Son, and Holy Ghost.
Amen.
|
Pule A Ka Haku
(The Lord's Prayer)
E ko mākou makua i loko o ka lani
E hō‘ano ‘ia kou inoa
E hiki mai kou aupuni
E mālama 'ia kou makemake ma ka honua nei
E like me ia i mālama 'ia ma ka lani la
E hā‘awi mai iā mākou i kēia lā
I ‘ai na mākou no nēia lā
E kala mai ho‘i iā mākou i kā mākou lawehala ‘ana
Me mākou e kala nei i ka po‘e i lawehala i kā mākou
Mai ho‘oku‘u ‘oe iā mākou i ka ho‘owalewale ‘ia mai
E ho‘opakele nō na‘e iā mākou i ka ‘ino
No ka mea nou ke aupuni a me ka mana
A me ka ho'onani ‘ia a mau loa aku
‘Āmene
Our Father Who art in Heaven
Hallowed be Thy Name
Thy kingdom come
Thy will be done on earth
As it is in Heaven
Give us this day
Our daily bread
And forgive us our trespasses
As we forgive those who trespass against us
And lead us not into temptation
But deliver us from evil
For thine is the kingdom, the power
And the glory forever and ever
Amen
|
|
|
|
|
|
|
